Мұнайлы өлкенің тізгінін энергетика және мұнай-газ саласының нағыз кәсіби маманы Болат Ақшолақов қолына алды. Атырау облысы үшін бұл өте маңызды тағайындау.
Жаңа әкімнің өмірбаяны мен тәжірибесі👇
💼 Кәсіби жолы:
Қаржы және банк саласы: Еңбек жолын 1994 жылы «Alem Bank Kazakhstan» экономисі ретінде бастап, Орталық Азия ынтымақтастық және даму банкінде басқарушылық қызметтер атқарған.
Мұнай-газ секторы: «Қазақойл», «ҚазМұнайГаз» ұлттық компанияларында жауапты лауазымдарда болып, халықаралық компанияларда бизнес-талдаушы және қаржы директоры қызметін атқарды.
Мемлекеттік қызмет: Бірнеше рет Энергетика, Мұнай және газ вице-министрі болды.
Министрлік пен Президент кеңесшісі: 2022-2023 жылдары ҚР Энергетика министрі болып қызмет етті. Кейіннен ҚР Президентінің кеңесшісі лауазымын атқарды.
2025 жылдан бастап «KAZENERGY» қауымдастығының төрағасы қызметін атқарып келді.
🎓 Білімі мен біліктілігі:
Қазақ мемлекеттік басқару академиясының түлегі (Экономист).
Алматыдағы Мұнай-газ өнеркәсібінің білім беру орталығында «Жер қойнауын пайдалануға арналған келісімшарттарды бағалау» және «Мұнай өндіру экономикасы» мамандықтары бойынша біліктілігін арттырған.
🎖️ Марапаттары:
Ел дамуына қосқан үлесі үшін «Құрмет» орденімен (2014), бірнеше мерейтойлық медальдармен және «Мұнай-газ кешенін дамытуға қосқан үлесі үшін» төсбелгісімен марапатталған.