«Нұрсая» ықшам ауданының тұрғындары сасық иістен тұншығуда! Өйткені, осы маңдағы кәріз-сорғы станциясының жиі істен шығуына байланысты ондағы лас су құдықтардан асып төгіліп, айналаға жайылып жатыр. Бұдан әбден мезі болған тұрғындар жазды күнді айтпағанда, қазір де таза ауа жұтып, терезе ашудан қалдық, — дейді. Көпшіліктің айтуынша, оған «Жас Отау» бағдарламасы бойынша салынған үйлердің кәріз құбырларының жарамсыз болуы себеп.