Қалада көше жарықтарын орнату жұмыстары әлі бастала қойған жоқ. Атырау облысы тұрғын үй-коммуналдық шаруашылық басқармасы басшысы Мұрат Иғалиевтің айтуынша, қазір бұл жұмыстар мемлекеттік -жеке әріптестік аясында жүзеге асуда. Бүгінде тек қажетті келісім-шарттарға қол қойылуда. Дегенмен, жылдың аяғына дейін, қаладағы кейбір орталық көшелер самаладай жарқырайтын болады деп сендірді.
Облыстың бас энергетигінің айтуынша, өткен жылдары 40-қа жуық көшені жаңарту және жаңғырту жұмыстары жүргізілсе, келесі жылы олардың саны қала бойынша 200-ге жуықтайды екен. Бұдан бөлек Атырау-Доссор, Атырау-Индер бағытындағы тас жолдарда абаттандыру жұмыстары басталады.