Былтыр мемлекеттік сатып алу порталына мониторинг жүргізу арқылы бюджеттің 3,1 млрд. теңге қаржысы үнемделген. Бұл туралы Халел Досмұхамедов атындағы Атырау университетінде өткен форсайт-сессияда ҚР Сыбайлас жемқорлыққа қарсы іс-қимыл агенттігінің Атырау облыстық департаментінің маманы Айдана Аманиязова айтты. Жиын мемлекеттік сатып алу саласындағы сыбайлас жемқорлық тәуекелділігінің өзекті мәселелерні талқылады. Басты мақсат — сыбайлас жемқорлықтың алдын алу және онымен күресуді күшейту, жастардың құқытық сауаттын арттыру, дейді ұйымдастырушылар.