QAZAQGAZ БАСШЫЛЫҒЫ ГАЗ ӨҢДЕУ ЗАУЫТЫНЫҢ ҚҰРЫЛЫС БАРЫСЫН ТЕКСЕРДІ

Атыраудағы Қашаған газын өңдейтін зауыт 2026 жылы іске қосылады. Бұл туралы QazaqGaz ҰК АҚ басқарма төрағасының бірінші орынбасары Мейірбек Ихсанов Атырау облысына жұмыс сапары кезінде айтты. Бүгінде 1 млрд. текше метр газ өндіруге қауқарлы зауыттың құрылыс алаңына жабдықтардың 90 пайызы жеткізілген. Бетон жабындылары төселіп, металл құрылымдарын монтаждау жұмысы жүріп жатыр. Бұдан бөлек 320 орындық вахталық қалашық пен кіреберіс теміржолдың құрылысы да қарқынды жүруде.