С.Өтебаев атындағы Атырау мұнай және газ университетінің базасында Қытайдағы Jingshi институты ашылды. Салтанатты іс-шара Beijing Information Technology Co (Бейжің Хуатэк Инфомэйшн Компаниясы) компаниясының қолдауымен өтті. Білім ордасы «қара алтын» инженериясы саласындағы жоғары білікті мамандарды даярлауға ықпал етпек. Мұнда болашақ мамандар заманауи технологиялардың көмегімен тәжірибе шыңдап, кәсібилігін арттырады. Институтта бағдарлама аясында 25-тен астам студент білім алмақ. Бұдан бөлек екі елде тәжірибе алмасу да қарастырылған.