Мақатта жүк пойызын тонаған 4 жігіт бас бостандығынан айырылды. Олар Мақат стансасы арқылы өтетін жүк пойызының вагондарынан алюминий құймаларды қолды қылған. Павлодардағы «Қазақстан электролиз зауытынан» келе жатқан тауар Швейцарияға экспортталуы керек еді. Жүк Ақтаудағы портқа жеткенде оның 20 тоннасының жетіспейтіндігі белгілі болыпты. Осыдан кейін қылмыстық іс қозғалып, Атырау стансасындағы желілік полиция бөлімінің қызметкерлері жедел іздестіру іс-шарасы нәтижесінде Мақат ауданының төрт азаматын ұстаған еді.
МАҚАТТА ПОЙЫЗ ТОНАҒАН 4 ЖІГІТ СОТТАЛДЫ
