«Ұлт тәрбиесіндегі ұстаздар рөлі», «Елім деген ер болмаса», «Әр қазақ менің көк туым», «Құтты әрі берекелі білім», «Қыз өссе елдің көркі». Қазақстан Парламенті Мәжілісі VIII-шақырылымының депутаты, ережесіз жекпе-жектен ҚР еңбек сіңірген спорт шебері Ардақ Назаров 200-ден астам студент, 700-ге жуық мектеп директоры, имам-теологтармен, спортшылармен кездесіп, өзінің өмір жолы мен жетістіктерін мысал ете отырып, жастарды теріс идеологиядан сақтандырып, өз елін сүю, өз мақсатына жету жолында табандылық көрсетуге шақырды. Сондай-ақ, жасөспірімдер арасында ұлттық және рухани құндылықты дәріптеу, патриотизм мен жауапкершілікті қалыптастыру, сапалы білім мен саналы қоғам құра білудің маңыздылығын түсіндірді.
СПОРТШЫ, ДЕПУТАТ АРДАҚ НАЗАРОВ СТУДЕНТ, ҰСТАЗ, ИМАМ-ТЕОЛОГТАРМЕН КЕЗДЕСТІ
