«Алтын киімді Тасқопа көсемі» атты жылжымалы көрме Атырауға жеткізілді. Ақтөбе облыстық тарихи-өлкетану музейінің қызметкерлері 300-ге жуық экспонатты атыраулықтардың назарына ұсынды. Мұнда құнды жәдігерлер қатарында садақ және қорамсақ, қамшының сүйектен жасалған сабы, әшекей-бұйым, ат әбзелінің үлгілері бар. Көрмені өткізудегі басты мақсатымыз – 2019-жылы қазба жұмысы кезінде табылған, ерте темір дәуірінде өмір сүрген көшпелілердің элиталық археологиялық жәдігерлерді кеңінен насихаттау және тарихшылардың сармат тайпалары мәдениетін зерттеудегі жетістікті көпшілікке жеткізу дейді ұйымдастырушылар.
«АЛТЫН КИІМДІ ТАСҚОПА КӨСЕМІ» АТТЫ ЖЫЛЖЫМАЛЫ КӨРМЕ АТЫРАУҒА ЖЕТКІЗІЛДІ
