Әскер десе қашқақтап, Отан алдындағы борышын өтеуден жалтарып жүрген жастардың қатары азаймай тұр. Осы олқылықтың орнын толтыру үшін Атыраудағы әскери қалашықта колледж студенттері үшін арнайы оқу-жаттығу ұйымдастырылды. Бозбалалар әскери-спорттық эстафетаға қатысып, қолдарына қару ұстап көрді, қорғаныс құралдарымен және медициналық дайындық, әскери бөлімнің ішкі өмірімен де танысты. Жергілікті билік пен білім беру мекемелері басшыларының қолдауымен іске асырылған іс-шара 300-ге жуық студентті қамтыды.
АТЫРАУЛЫҚ СТУДЕНТТЕР ӘСКЕРИ ОҚУ-ЖАТТЫҒУҒА ҚАТЫСТЫ
