Атырауда XVII жазғы Паралимпиада ойындарының жүлдегерлері мен қатысушылары сый-құрметке бөленді. Оларды облыс әкімі Серік Шәпкенов арнайы құттықтап, алғыс хат пен ақшалай сертификат табыстады. Париж олимпиадасына ұлттық құрама сапында 16 атыраулық параспортшы қатысқан болатын. Олардың арасында Зарина Раифова мен Жұрқамырза Шүкірбеков парадзюдодан қола медаль еншіледі. Осы орайда, жүлдегерлер мен олардың бапкерлеріне «Infinity Eco Park» компаниясы «Zeekr» автокөлігін сыйға тартты.
ПАРАЛИМПИАДА ОЙЫНДАРЫНЫҢ ЖҮЛДЕГЕРЛЕРІ СЫЙ-ҚҰРМЕТКЕ БӨЛЕНДІ
