Атырау облысында су тасқынынан зардап шеккен 116 шағын және орта кәсіп иесіне 1 миллиард теңгеден астам өтемақы тағайындалды. Бұл туралы Атырау облыстық кәсіпкерлік және өнеркәсіп басқармасының бөлім басшысы Саттығұл Сабыров мәлімдеді. Жалпы Атырау аймағында 300-ден астам кәсіпкер өр суынан зардап шеккен. Оларға келген шығын көлемі 4 миллиард теңгеден асады. Сондай-ақ, басқарма өкілінің мәліметінше, биыл бизнеске қолдау көрсету мақсатында бюджеттен 11,8 миллиард теңге бөлініп, 400-ге жуық жоба қаржыландырылыпты. Осылайша, жыл соңына дейін 1000 жобаға көмек көрсетуді жоспарланып отыр.
АТЫРАУДА СУ ТАСҚЫНЫНАН ЗАРДАП ШЕККЕН 116 КӘСІПКЕРГЕ ӨТЕМАҚЫ ТАҒАЙЫНДАЛДЫ
