Бұл 2025 жылы Атырауда бой көтеретін концерт залы мен тарихи өлкетану мұражайының жобасы. 1200 орындық мәдени орын мен тарихи-өлкетану музейінің және домбыра мүсінінің құрылысы «Нұрсая» ықшам ауданындағы 12 жыл бұрын тұралап қалған киноконцерт залы мен моншаның орнына салынбақ. Қайта жөндеуге жарамсыз қос ғимарат қазір бұзылып, учаскесі біріктіріліп жатыр. Ол үшін жергілікті бюджеттен жарты миллиард теңгеге жуық қаражат бөлініпті. Ал, құрылысқа қажетті қаржы көлемі жоба мемлекеттік сараптамадан өткеннен кейін белгілі болады дейді әкімдік өкілі. Ескі нысандар қараша айына дейін бұзылып болуы тиіс.
НҰРСАЯДАҒЫ КОНЦЕРТ ЗАЛЫ МЕН МОНШАНЫ БҰЗУ ҮШІН 466 МЛН.ТГ БӨЛІНДІ
