Махамбет ауданына қарасты Талдыкөл ауылы қазір су қоршауында тұр. Әсіресе соңғы үш-төрт күнде мол келген су жеке шаруа қожалықтарына тиесілі жерді басып кеткен. Бір жақсысы — ауыл айналасындағы бөгет аман-сау. Бірақ қауіп жоқ емес. Өйткені жалғыз кірме жолдың жағдайы нашар.
1200 тұрғыны бар ауылдың іші қазір тып-тыныш. Көбі алыс-жақындағы ағайындарына кеткен. Ал қалғандары өр суын бақылап, күні-түні кезекшілікте жүр. Ауылды қоршай 3 шақырым бөгет соғылған. Бүгінде оны қосымша бекіту жұмысы жүріп жатыр.
