Атырау облысының эвакуацияланған тұрғындарына арналған 14 вагон азық-түлік, төсек-орын Маңғыстауға жетті. Мемлекет басшысының тапсырмасы бойынша табиғи сипаттағы төтенше жағдайды жою жөнінде шара қабылдау үшін мемлекеттік материалдық резервтің материалдары броннан шығарылған. Бұл — Атырау облысынан эвакуацияланған азаматтардың қажеттіліктерін қамтамасыз ету үшін жасалып отыр. Броннан шыққан материалдарды түсіруге 150-ден астам әскери қызметші көмектесті. Резервтегі материалдар мемлекеттік материалдық резервтер комитетінің «Резерв» РМК филиалдарында сақталған.