Атырауда ертең, 8 ақпан күні «Қөктем-2024» респбуликалық оқу-жаттығуының өтуіне байланысты дабыл сиренасы іске қосылады. Бұл туралы облыстық ТЖД-нің баспасөз қызметі хабарлады.
Іс-шараның мақсаты – халықты хабарландыру жүйесін тексеру. Оның барысында сиренадан бөлек, теледидар, радиоарналар және көшедегі баған бастарындағы дауыс күшейткіштер арқылы да сигнал таратылады.
Дабыл сиренасы ертеңгілік, сағат 9 бен түскі 11 аралығында естілуі мүмкін. Сондықтан құтқарушылар қала тұрғындары мен қонақтарынан үрейге бой алдырмауды сұрайды.