25 қазан Республика күніне орай футзалдан БАҚ қызметкерлері арасында Тауман Амандосов атындағы ауыспалы кубок үшін жарыс өтті. Облыстық деңгейдегі іс-шараға 6 команда қатысып, олар өзара 15 ойын өткізді. БАҚ қызметкерлерінің басын қосқан доданы Атырау облыстық бас редакторлар клубы ұйымдастырып, «Ақжол» демократиялық партиясының Атырау облыстық филиалы қаржылай демеушілік көрсеткен. Ойын шарты бойынша
қатарынан 3 рет жеңімпаз атанған команда кубокты біржолата иеленеді. «Тауман» командасы бұған дейін екі жыл қатарынан жүлдегер атанған еді. Осы жолы да қарсыластарын шаң қаптырып, кубокті өздерінде қалдырды және
170 мың теңге сыйақыға ие болды. Екінші орын алған «Атырау-ақпарат» командасына 130 мың теңге сыйақы берілді. Ал үшінші орын мен 100 мың теңге «Атырау телеарнасы» командасына бұйырды. Сондай-ақ Қанат Елеуов «Үздік қақпашы», Дәулет Иманғалиев «Үздік ойыншы», Қайсар Жетпісбаев «Үздік сұрмерген» номинациясына лайық деп танылып, әрқайсысына 20 мың теңгеден берілді.
Толығырақ бейнематериалда https://fb.watch/nS93kZJexr/
What is your reaction?
Excited
0
Happy
0
In Love
0
Not Sure
0
Silly
0
