Терможаңғырту бағдарламасы аясында қаладағы тоғызқабатты үш үйге жеделсаты орнатылды. Сәтбаев көшесі бойындағы 52, 54 және 56-шы үйлердегі жаңа жеделсаты жергілікті бюджеттен бөлінген қаржыға сатып алынған. Әрқайсысының құны — 12 миллион теңгеден астам. 400 келіге дейінгі салмақты көтере алады. Карта жүйесі бойынша жұмыс жасайтын оған бір мініп-түсудің құны 8 теңге. Ал, төлем картасын пәтер иелері кооперативіне барып, толтыруға болады. Жеделсатылардың орнатылғанына тұрғындар мәз-мейрам. Өйткені, аталған үйлердегі жеделсатылар осыдан 20 жыл бұрын істен шыққан.
By 
