Қаладағы ойын және спорт алаңдарын дезинфекциялау қайта қолға алынды. Еске салсақ, елде төтенше жағдай аяқталғаннан кейін бұл жұмыстар тоқтап қалған еді. Әкімдіктегілер оны залалсыздандырумен бұған дейін айналысқан әскери міндеттілердің кетуімен түсіндірді. Дегенмен Каспиан ньюс телеаранасының редакциясына тұрғындар хабарласып, балаларының қауіпсіздігі үшін алаңдайтындарын білдірген еді. Бірден жауаптыларға хабарласқанымызда, мәселенің көп ұзамай шешілетінін айтып, сөз берді. Уәде орындалып, екі күнде дезинфекциялау жұмыстары қайта басталды. Облыс орталығында 221 балалар, 48 спорттық ойын алаңы бар.
Қайрат ХАБИЕВ, қалалық тұрғын үй инспекциясы бөлімінің басшысы
-3 мекеме өздеріңіз білетін, қаладағы жаяу жүргіншілер жолдарын мен бардюрлерді дезинфекциялайтын мекеме ойын алаңдарын да да жалғастыруда. Қаладағы және қалаға іргелес ауылдық округтегілерді де бөліп бердік. Солар кешеден бастап жүргізуде. Оған 11 арнайы техника жұмылдырылып, 60-қа жуық адам тартылып отыр. Кешенің өзінде 50-ге жуық ойын алаңдары жасалды.
