Көріпкел оның шаршап, қатты мас болғанын, жақын арада оянатынын айтып, жұбатқан. Бишімбаев тез сауығып кетуі үшін оны «оқуын» өтінген.
Сотта Қуандық Бишімбаев Салтанат Нүкенова қайтыс болған түні не болғанын айтып жатыр, деп хабарлайды cntv.kz.
«Сағат 9.30-да Байжановқа қоңырау шалып, бізді үйге апаруын сұрадым. Ол Салтанатты жалаңаш көрмеуі үшін екі көрпе әкелуін өтіндім. Ол көрпе әкелді, мен оны көтердім, үстіне жауып қойдым. Ол мойнын көтеріп, қолдарын, денесін қозғалтты. Байжанов кіргенде, ол орнынан тұрды, біз оны сүйреген жоқпыз, ол қорылдағанын қойды, оянғандай болды», — деді ол.
Бишімбаевтың сөзінше, ол кейіН Байжановтан бөлмені жауып кетуін сұраған.
«Мен Салтанатты жатқыздым, біз ұйықтап қалдық. Сағат 13.30-да ояндым, ол қасымдa жатты, қорылдап жатты. Сол кезде бетінің сол жағында үлкен көгерген із бар екені мен мұрны іскені байқалды. Сол кезде уайымдадым. Мен таныс көріпкелге қоңырау шалдым, оны оятуға тырысқанымызды айттым, көре аласыз ба дедім. Ол маған 10 минуттан кейін қайта қоңырау шал деді, ол жай шаршаған, қатты мас деді. Кешке дейін ұйықтап, кешке үйге барасыңдар деді. Менің жүрегім тынышталды», — деді Бишімбаев.
