By Caspian News, 25 қараша. Маңғыстау облысында көлік инфрақұрылымын дамытуға бағытталған ірі жоба — құны 300 млн АҚШ долларын құрайтын жаңа теңіз портының құрылысы басталады. Жоба халықаралық транзиттік дәліздің бір бөлігіне айналады.
Президенттің транзиттік әлеуетті арттыру жөніндегі тапсырмаларын орындау аясында Ақтау қаласында жаңа теңіз портының құрылысы қолға алынбақ. Бұл туралы Үкімет отырысында Маңғыстау облысының әкімі Нұрдаулет Қилыбай мәлімдеді.
Стратегиялық серіктес ретінде Қытайдың «Чжонъюн Интернешнл» компаниялар тобы таңдалған. Әкімнің айтуынша, жоба құны 300 млн долларды құрайды.
Инвестор өңірде компаниясын тіркеп, Инвестициялық келісімге қол қою үшін қажетті құжаттарды дайындау жұмыстарын бастап кеткен.
Жоба артықшылықтары
Әкім мәліметінше, жаңа порт құрылысы өңірдің ғана емес, бүкіл елдің көлік-логистикалық дамуына оң әсер етеді.
Жоба:
-
«Қытай – Қазақстан – Ақтау – Баку – Поти – Еуропа» бағытындағы жаңа халықаралық көлік дәлізін қалыптастыруға мүмкіндік береді;
-
жүк жеткізу мерзімін 7–15 күнге қысқартады;
-
тасымал шығындарын 18–25% төмендетеді;
-
өңірде жаңа жұмыс орындарын ашады.
Дереккөз
Қазақстан Республикасы Премьер-министрі баспасөз қызметінің мәліметі.
