By Caspian News, 27 қараша. Атырау қаласының орталығында орналасқан Әди Шәріпов көшесіндегі 30-үй апатты жағдайда тұр. Тұрғындар қауіп-қатерге байланысты дабыл қақты: айналадағы кейбір үйлердің тұрғындары көшіп кеткен, қараусыз қалған үйлер үйсіз-күйсіз жүрген адамдар мен бейтаныс тұлғалардың жиналатын орнына айналған. Бірнеше апта бұрын көрші үйден өрт шығып, тұрғындардың үрейін одан сайын күшейткен.
Тұрғындардың пікірі
-
Ұлмекен Берғalieва, қала тұрғыны:
«Төменнен тышқан шығып жатыр. Кіріп-шығу қауіпті, төбеден су сарқылып тұр, құбырлар шіріп кеткен. 15 жылдан бері сносқа кетеді деп отырмыз, бірақ әлі ештеңе істелген жоқ». -
Ануар Арыстанов, қала тұрғыны:
«Үйдің жарлары әр кіріп-шығу сайын қозғалады. Қоршау жоқ, наркомандар мен бейтаныс адамдар жиналады. Балаларым бар, қорқамыз. Тезірек сносқа жіберуін сұраймыз».
Үйдің жағдайы мен әкімдік әрекеті
-
Үй 50 жылдан астам уақыт бұрын тұрғызылған және 15 жыл бұрын техникалық тексерістен өтіп, апатты деп танылған. Тұрғындарда бұл растайтын құжат бар.
-
Атырау қалалық ТҮКШ және тұрғын үй инспекциясы бөлімі тұрғындарға «Ақмаржан» тұрғын үйіне көшу ұсынылғанын, бірақ кейбір тұрғындардың алыс екенін айтып бас тартқанын мәлімдеді.
-
Қаладағы тозығы жеткен 91 үй 2029 жылға дейін толық көшірілетін болады.
Тұрғындар әзірге апатты үйде жан сауғалай тұруға мәжбүр, ал снос жұмыстары мен жаңа үйлерге көшу кезең-кезеңімен жүргізілмек.
